پیشروی طالبان در غرب «پلمخری»

مناطقی که اخیرا طالبان در آنها پیشروی داشته اند، فاصله چندانی با شهر پلخمری ندارند.

«صفدر محسنی» رئیس شورای ولایتی بغلان در این راستا گفت که گروه طالبان در چهار روز گذشته در مناطق «دند شهاب‌الدین»، «دند غوری» و «سرخ‌کوتل» در غرب شهر «پلخمری» پیشروی داشته‌اند.

وی افزود: ستیزه‌جویان این گروه سه پاسگاه پلیس را در سرخ‌کوتل تصرف کرده‌اند و ۲۵ مامور پلیس محلی را به محاصره خود درآورده‌اند.

به گفته رئیس شورای ولایتی بغلان، گروه طالبان خانه‌های شماری از ساکنان منطقه سرخ‌کوتل را به آتش کشیده‌اند.

وی در ادامه گفت: مالکان این خانه‌ها و همچنین اعضای خانواده‌های ماموران پلیس محاصره شده دیروز به شهر پلخمری آمدند و خواستار اقدام دولت برای نجات محاصره‌شدگان و بازپس گیری روستاهای به آتش کشیده شدند.

رئیس شورای ولایتی بغلان همچنین  گفت که در درگیری‌های دیشب و صبح امروز شش مامور امنیتی کشته و ده مامور دیگر زخمی شدند.

به گفته وی، دست کم شش عضو گروه طالبان نیز کشته و ۲۰ عضو دیگر این گروه زخمی شده‌اند.